ഓഫീസില്‍ നിന്നും ഇറങ്ങുമ്പോള്‍ താമസിച്ചു എന്ന് തോന്നുന്നു നേരെ നടന്നു ബസ്സ്‌ സ്റ്റോപ്പില്‍ എത്തുമ്പോള്‍ എന്നും പോകുന്ന വണ്ടി പോയിക്കഴിഞ്ഞിരുന്നു ...നിരാശയോടെ ചുറ്റിനും നോക്കി കുറെ നേരം കൂടെ അവിടെ തന്നെ നിന്നു...ഒടുവില്‍ ബസ്സ്‌ വന്നു പക്ഷെ നല്ല തിരക്കായിരുന്നു ...എന്നിട്ടും ഒരു സര്‍ക്കസ് അഭ്യാസിയെ പോലെ ബസിനുള്ളില്‍ കയറിപ്പറ്റി ...
വീട്ടില്‍ എത്തുമ്പോള്‍ നന്നേ ഇരുട്ടിയിരുന്നു ...ഗേറ്റില്‍ എത്തിയപ്പോഴേ നോട്ടം എത്തിയത് വാതിലിലേക്ക് ആണ് ...അവള്‍ അവിടെ ഇല്ലല്ലോ .....! ചിലപ്പോള്‍ താമസിച്ചതിനു പിണക്കം ആയിരിക്കും ...അവള്‍ പലപ്പോഴും അങ്ങനെ ആയിരുന്നു ...എന്തിനാണ് പിണങ്ങുന്നത് എന്ന് ആര്‍ക്കും അറിയില്ലായിരുന്നു ...എനിക്കും...പക്ഷെ ആ പിണക്കത്തിലും എനോടുള്ള സ്നേഹം വളരെ വലുതാണെന്ന് എനിക്കറിയാമായിരുന്നു .......!!!
അവളെ ഞാന്‍ അഥീന എന്നാണ് വിളിച്ചിരുന്നത് ....പലപ്പോഴും അവളുടെ ഇരുട്ടിലും തിളങ്ങുന്ന കണ്ണുകള്‍ എന്നെ അത്ഭുതപ്പെടുത്തിയിരുന്നു ....അതെ ...ആ കണ്ണുകള്‍ തന്നെ ആണ് അവളെ ഞാന്‍ ഇത്രയും ഇഷ്ടപ്പെടാന്‍ കാരണമായത് .......അവളുടെ അരുകിലിരുന്നു കയ്യിലെ നനുത്ത രോമങ്ങളില്‍ തലോടുന്നത് എന്റെ മറ്റൊരു വിനോദം ആയിരുന്നു...പക്ഷെ അവള്‍ പലപ്പോഴും അതിന് സമ്മതിച്ചിരുന്നില്ല ....നാണം ആയതുകൊണ്ടാകാം ....എന്തോ ഞാന്‍ ചോതിചിട്ടുമുണ്ടയിരുന്നില്ല ......!!!!
സത്യം പറഞ്ഞാല്‍ അമ്മയുടെ നിര്‍ബന്ധം കൊണ്ട്‌ മാത്രമാണ് ഞാന്‍ അവളുടെ കാര്യത്തില്‍ ഒരു തീരുമാനമെടുത്തത് .....അമ്മയുടെ അനുവാദം കിട്ടിയാല്‍ പിന്നെ എന്ത് പെടിക്കാനാണ് ....അത് കൊണ്ട്‌ തന്നെ ആണ് അവളുടെ കഴുത്തില്‍ ഞാന്‍ ആ മഞ്ഞ ചരട് കെട്ടിയതും .........!!! അതിന്റെ നന്ദി അവള്‍ക്കു അമ്മയോടും ഉണ്ടായിരുന്നു ...അമ്മയ്ക്കും അവളെ അത്രയേറെ ഇഷ്ടം ആയിരുന്നു അതായിരിക്കണം .......
മുറിയിലേക്ക് കയറി ഡ്രസ്സ്‌ മാറുമ്പോള്‍ വാതിലിന്റെ അരികിലെ മറഞ്ഞു നിന്നു അവള്‍ നോക്കുന്നത് ഞാന്‍ കണ്ണാടിയിലൂടെ കണ്ടു ...തിരിഞ്ഞു നോക്കിയതും എവിടെയോ അവള്‍ മറഞ്ഞതും ഒരേ സമയത്തായിരുന്നു.... വന്നു കഴിഞ്ഞാല്‍ എന്നും ചായ കൊണ്ട്‌ വരുന്നത് അമ്മ ആയിരുന്നു ...ഇന്നും പതിവ് തെറ്റിയില്ല.... ചായ കുടിച്ചു കഴിഞു മേശയുടെ പുറത്തേക്ക്‌ ഗ്ലാസ്‌ വച്ചിട്ട് ഞാന്‍ കിടക്കയിലേക്ക് ചാഞ്ഞു........തിരക്കുള്ള ബസ്സില്‍ വന്നതിനലാവണം നല്ല ക്ഷീണം ഉണ്ടായിരുന്നു ....പതുക്കെ ഞാന്‍ ഉറക്കത്തിലേക്ക് തെന്നി വീണു .....എങ്കിലും അഥീന യുടെ മുഖം ഒരു വെള്ളിനക്ഷത്രം പോലെ എന്റെ മനസ്സില്‍ തിളങ്ങി നില്‍പ്പുണ്ടായിരുന്നു ....
ഏറെക്കഴിഞ്ഞില്ലേ ...എന്റെ അരുകില്‍ ആരോ കിടക്കുന്നുണ്ടെന്ന് എനിക്ക് തോന്നി ....ഞാന്‍ പതുക്കെ കണ്ണുകള്‍ തുറന്നു ...അവള്‍ ആണ് അഥീന ...ഞാന്‍ പതുക്കെ അവളെ എന്റെ ശരീരത്തോട് ചേര്‍ത്ത് പിടിച്ചു ...അവളുടെ കൈകള്‍ എന്റെ നെഞ്ചില്‍ വെറുതെ പരതിക്കൊണ്ടിരുന്നു ...കുറെ നേരം കഴിഞ്ഞു ...എന്റെ കവിളില്‍ സൂചി കൊണ്ട്‌ ആരോ കുത്തുന്നത് പോലെ എനിക്ക് തോന്നി ....ഞാന്‍ ഞെട്ടി ഉണര്‍ന്നു ....അവളുടെ നീണ്ട നഖങ്ങള്‍ എന്റെ കവിളില്‍ വ്യക്തമായ ക്ഷതം എല്പിചിട്ടുണ്ടായിരുന്നു ...എനിക്ക് ശരിക്കും ദേഷ്യം വന്നു ...വലതു കൈ കൊണ്ട്‌ അവളുടെ കഴുത്തില്‍ പിടിച്ചു ഒരു ഏറു കൊടുത്തു ....ഭിത്തിയില്‍ ഇടിച്ചു താഴെ വീണ അവള്‍ മ്യാവൂ ...മ്യാവൂ... എന്ന് ഉറക്കെ കരഞ്ഞു കൊണ്ട്‌ പുറത്തേക്ക്‌ നടക്കുമ്പോള്‍ ഞാന്‍ വീണ്ടും ഉറക്കത്തിലേക്ക് വഴുതി വീഴുകയായിരുന്നു ........!!!!!
No comments:
Post a Comment
many many thanks for ur message....