ഇരുട്ടിന്റെ ആത്മാവിന് കനം കൂടിക്കൊണ്ടിരുന്നു ചീവീടിന്റെ കരച്ചിലും ഇടക്കെപ്പോഴോ മുഴങ്ങുന്ന മൂങ്ങയുടെ മൂളലും അവന്റെ മനസിനെ ചെറുതായി ഭീതിയുടെ കയങ്ങളിലേക്ക് തളിയിടുന്നുണ്ടായിരുന്നു .അന്ത്യ വിളിയുടെ ആഗമനവും പ്രതീക്ഷിച്ചിരിക്കുന്ന അവന് ഉള്ള സമയം വെറുതെ കളയാന് അല്ലാതെ മറ്റൊന്നിനും തോന്ന്നിയില്ല .അവന്റെ പ്രായമുള്ളവര് അവന് അല്ലാതെ മറ്റാരും തന്നെ ഇല്ലായിരിക്കാം .കാരണം അവന് പിറന്നുവീണഇട്ടു നൂറ്റിയാരു വര്ഷങ്ങള് പിന്നിട്ടിരുന്നു .ജീവ ലക്ഷണം ഇല്ലാത്ത വിചിത്രമായ മേനി കാണുമ്പൊള് അവന് തന്നെ അറപ്പ് തോന്നുമായിരുന്നു .
നിദ്രാ ദേവി അവനെ തഴുകി ഉറക്കാന് തുടങ്ങിയിരുന്നു ...നിമിഷങ്ങള് ഏറെ കഴിഞ്ഞില്ല പുറത്ത് എന്തോ ശബ്ദം കേടു അവന് ഞെട്ടി ഉണര്ന്നു .കണ്ണ് തുറന്നു അവന് ചുറ്റും നോക്കി .എവിടെയും കുറ്റിരുട്ടു ...മുഷിഞ്ഞ തലയണയുടെ അടിയില് നിന്നും തീപ്പെട്ടി തപ്പിയെടുത്ത് റാന്തല് വിളക്കിലേക്ക് തീയുടെ അംശം പകര്ന്നു ..വിറയ്ക്കുന്ന കൈകള് കൊണ്ട് റാന്തല് എടുത്തവന് മുന്നോട്ടു നീങ്ങി .ഞെരക്കത്തോടെ വാതില് തുറന്നപ്പോള് കാറ്റു അകത്തേക്ക് പാഞ്ഞു കയറി വിളക്കിന്റെ നാളത്തെ അട്ടിയകറ്റി.അവന് പതുക്കെ പുറത്തേക്ക് ചുവടുകള് വച്ചു.
ഗഗനത്തില് കണ്ട അപൂര്വ നക്ഷത്രങ്ങള് അരികിലേക്ക് മാടിവിളിക്കുന്നതായി തോന്നി .ദൂരെ എവിടെയോ ക്ലോക്കില് മണി പന്ത്രണ്ടു വട്ടം ശബ്ദം ഉണ്ടാക്കി .
ഒരു ചാവാലിപ്പട്ടി ആ കുടിലിനു അരുകില് ഇരുന്നു ഉറക്കെ മോങ്ങി .ഭയം കൊണ്ട് മുകളിക്ക് നോക്കിയ അവന് ഞെട്ടി വിറച്ചുപോയി .
തലയ്ക്കു ചുറ്റും വട്ടമിട്ടു പറക്കുന്ന കട വവലുകളെ ആ രാത്രിയിലും അവന് കണ്ടു .ഏതോ അപകടത്തിന്റെ സൂചന പോലെ മഴ ക്കാറു വന്നു അന്തരീക്ഷത്തെ അകെ മൂടി .ഒരു കൊള്ളിയാന് മിന്നിപ്പോലിഞ്ഞു .ഭൂമിയെ ആശ്വസിപ്പിക്കാന് എന്നവണ്ണം ജലത്തുള്ളികള് താഴേക്ക് പതിക്കാന് തുടങ്ങിയിരുന്നു കൊള്ളിയനെ പിന്തുടര്ന്നെന്ന പോലെ ഒരു ഇടി ആഞ്ഞ് വെട്ടി .മനസൊന്നു പതറി വെട്ടിയിട്ട പാഴ് തടി പോലെ അവന് താഴേക്ക് വീണു .കയ്യിലിരുന്ന റാന്തല് ദൂരേക്ക് തെറിച്ചു വീണു . നനഞ്ഞ മണ്ണില് കിടന്നു ആ മെല്ലിച്ച ശരീരം വിറച്ചു തുടങ്ങിയിരുന്നു .മഴയുടെ ശക്തി ക്ഷേയിക്കുണ്ടായിരുന്നു .ഒപ്പം ആ വൃദ്ധ ശരീരത്തിന്റെ വിറയലും .
നിമിഷങ്ങള് അലറിക്കുതിച്ചു പായുകയായിരുന്നു .ഒടുവില് മഴ പൂര്ണമായും നിലച്ചു ....ഒപ്പം ആ അനാഥ ശരീരത്തിന്റെ ചലനവും.....!
No comments:
Post a Comment
many many thanks for ur message....